Vér mótmælum allir

Samtök dragnótamanna hafa sent Jóni Bjarnasyni sjávarútvegs- og landbúnaðarráðherra eftirfarandi bréf:

Lokanir fyrir dragnot uti fyrir Strondum.pdf

Í LÍFSHÁSKA VIÐ GRINDAVÍK:

Í frétt DV af háskalegri innsiglingu dragnótabátsins Farsæls til Grindavíkur er slóð inn á Fésbókarsíðu Ragnars Þorgeirssonar, bróður Grétars skipstjóra og Hafsteins stýrimanns. Þar má sjá myndband af því þegar Farsæll kemur inn í höfnina. Frétt DV má lesa hér

Orðspor Íslands laskað vegna afturhaldssemi

Grein sem birtist á visir.is um vinnubrögð Jóns Bjarnasonar sjávarútvegsráðherra og Sigurðar Guðjónssonar forstjóra Veiðimálastofnunar.

http://www.visir.is/ordspor-islands-laskad-vegna-afturhaldssemi/article/2011453852746

Sjávarútvegurinn þarf ráðherra ekki slátrara.

Hér má lesa svar Friðriks G. Halldórssonar við bréfi Jóns Hermanns Óskarssonar frá Húsavík. Bréf Jóns má lesa hér fyrir neðan svarið.

Svar til J.H. Husavik

Segir ráðherra fara fram sem sannan “skólatudda”

Jón Hermann Óskarsson stýrimaður á Húsavík ritaði eftirfarandi bréf til félaga sinna í Samtökum dragnótamanna. Bréfið er hér birt með leyfi hans.

Bref fra Joni Hermannssyni Husavik

Réttur dagsins: Útúrsnúningar og órökstuddar fullyrðingar

Sjávarútvegs- og landbúnaðarráðherra hefur svarað bréfi Samtaka dragnótamanna frá 1. desember sl. með sama hætti og fyrr. Snúið er út úr fyrirspurnum eða þeim svarað með órökstuddum fullyrðingum. Af þessu tilefni vilja samtökin árétta eftirfarandi:

1. Spurt var hvor ráðherra hefði verið kunnugt um að starfsmaður Veiðimálastofnunar hefði ályktað gegn dragnótaveiðum sem bæjarfulltrúi í Skagafirði. Ekki var spurt hvort ráðherra hefði kannað bakgrunn starfsmanna né heldur hvort sú nefnd hefði lokið störfum . Samt hefur ráðherra sent út gögn sem stíluð eru á nefndina og notað sem rökstuðning í málinu. Spurningin lýtur að vinnubrögðum ráðherra og er mjög skýr: Vissi ráðherra þetta eða ekki? Já eða nei?

2. Eins og í spurningu nr. 1 snýr þetta að vinnubrögðum ráðherra. Bjó hann yfir þessari vitneskju? Já eða nei?

3. Í svari við spurningu 3 vísar ráðherra til fréttatilkynningar nr. 34 frá 1. júní 2010. Á það skal bent að tillögurnar sem þar um ræðir gengu ekki út á verndun grunnslóðar heldur var hér um að ræða aðför að einu tilteknu veiðarfæri. Með tillögunum er jafnframt verið að treysta í sessi veiðar þeirra sem eru ábyrgir fyrir 80% skyndilokana vegna smáfiskadráps árið 2009. Þessar tillögur voru unnar af Guðjóni A. Kristjánssyni, sem að því að er ég best veit ekki starfsmaður ráðuneytisins heldur trilluútgerðarinnar Ískróks ehf. , sjá frétt. Engir aðrir utan ráðuneytis komu að málinu samkvæmt svari ráðherra frá 10. nóvember. Það er sýndarmennskan ein að tala um umsagnarferlið, því í engu var farið eftir þeim fjölmörgu sem fordæmdu vinnubrögð af þessu tagi. Það er af og frá að það hafi einungis verið um Samtök dragnótamanna að ræða, eins og gefið er í skyn í svarinu, sem vildu að ráðuneytið drægi tillögurnar til baka eða ynni málið á faglegri nótum. Öll byggðalög sem fengu málið til umsagnar, að þremur undanskildum og öll aðildarfélög í sjávarútvegi sem fengu málið til umfjöllunar mótmæltu framkomnum tillögum og þeim vinnubrögðum sem þar var beitt. Einungis smábátasjómenn, sem hafa rekið áróður gegn dragnót í heila öld án þess að hafa á þeim hundrað árum lagt fram rökstuddar fullyrðingar um skaðsemi veiðanna bara, skáru sig úr þeim hópi. Í því sem ráðherra kallar rökstuðning er talað um umtalsverðar friðanir fyrir dragnót í Noregi. Á engan hátt er hægt að bera Noreg saman við Ísland í dragnótaveiðum. Náttúrulegar aðstæður allar eru gerólíkar og afar lítið um sjávarbotn eins og hér til dragnótaveiða. Lítið er um flatfisk og veiðiaðferðin því gjörólík þeim dragnótaveiðum sem Danir, Skotar og Íslendingar nota. Ég sé ekki með nokkru móti hvað den norske kysttorsk hefur að gera með dragnótaveiðar á Íslandi. Veruleikinn á Íslandi er að í rækjuralli Hafrannsóknastofnunar kemur fram að ástandið í Skagafirði og Húnaflóa er með besta móti (sjá skýrslu Hafró hér)

4. Engin vistfræðileg rök er að finna í fréttatilkynningu nr. 34. frá 1. júní 2010.

5. Eins og tíundað hefur verið er ekki um verndun fiskistofna að ræða heldur aðför að einu veiðarfæri. Svona víðtækar lokanir gera dragnótaútgerð nær ómögulega og verða þess valdandi að þjóð sem svo sannarlega þarf á öllum mögulegum tekjum að halda verður af dýrmætum gjaldeyristekjum þar sem flatfiskurinn verður ekki nýttur. Vinnubrögð af þessu tagi eru stjórnvöldum og sérstaklega Vinstri grænum til vansa.

Samtök dragnótamanna munu senda ráðherra bréf þar til svör fást við þeim spurningum sem spurt er um.

Svarbréf ráðherra má lesa hér: Svar radherra 22. desember 2010.pdf

Ráðherra geri hreint fyrir sínum dyrum

Sjávarútvegsráðherra þarf að gera hreint fyrir sínum dyrum og svara því hvaða vistfræðileg rök lágu að baki ákvörðun hans um að breyta eldri viðmiðunarlínum fyrir dragnótaveiðar áður en Samtök dragnótamanna treysta sér til að leggja fram ábyrgar hugmyndir um nýjar viðmiðanir. Þetta er á meðal þess sem fram kemur í bréfi samtakanna sem ráðherra var sent þann 1. desember sl. bréfið má lesa hér.

bref til radherra 1.des 2010.pdf

Aðferðir gegn dragnótamönnum minna á galdraofsóknir.

Með aðferðum sem minna á galdraofsóknir hefur ráðherra sett útgerð og framtíðarrekstur fjölmargra dragnótabáta í fullkomið uppnám. Án nokkurs vísindalegs rökstuðnings hefur ráðherra gróflega mismunað útgerðum eftir tegund veiðarfæra, segir m.a. í ályktun aðalfundar Samtaka dragnótamanna sem haldinn var þann 27. nóvember sl.

Ályktun samtakanna er hér í heild.

Samtok dragnotamanna_Alyktun adalfundar

Sagði ráðherra ósatt er hann vísaði til faglegra vinnubragða?

Ekki verður annað lesið úr svarbréfi sjávarútvegsráðuneytisins til Félags dragnótamanna, dags. 10. nóvember 2010, en að ekkert tillit hafi verið tekið til fjölda mótmæla sem bárust vegna tillagna um takmarkanir á dragnótaveiðum. Í bréfinu má einnig lesa að enginn utan sjávarútvegsráðuneytisins kom að gerð tillagnanna, sem síðar urðu óbreyttar að reglugerð nr. 475/2010. Er hægt að kalla þetta fagleg vinnubrögð? Svari hver fyrir sig. Svarbréf ráðuneytisinsins má lesa hér.

Svar radherra 10. nov 2010.pdf

Barátta lítilmagnans við ofurvald ráðherra

Póstur til ráðherra 12. nóvember 2010

Um leið og ég vek athygli sjávarútvegs- og landbúnaðarráðherra á niðurstöðum rækjuralls Hafrannsóknastofnunarinnar, vil ég minna á að hann á enn eftir að svara fimm spurningum sem bornar voru upp í bréfi til hans, dags. 27. október 2010. Bréfið má nálgast hér að neðan. (mál nr. 6144/2010 hjá umboðsmanni Alþingis).

Í fréttatilkynningu stofnunarinnar um rækjurallið kemur fram að í Húnaflóa er magn ýsu langt yfir meðaltali áranna 1996-2010 og magn þorsks í Skagafirði hefur ekki verið meira frá árinu 2002. ( sjá viðhengi hér fyrir neðan )

Þessar niðurstöður eru sérlega athyglisverðar vegna þess að á báðum þessum svæðum hafa veiðar með vistvænni dragnót verið stundaðar um árabil. Niðurstöðurnar eru einnig

þvert á fullyrðingar trillusjómanna, sem hafa haldið því fram að umrædd svæði séu nánast fisklaus eftir dragnótaveiðar. Ekki verður þó annað séð en ráðherra taki meira mark á þessum órökstuddu fullyrðingum en vísindalega unnum gögnum.

Í ljósi takmarkana á dragnótaveiðum vekur það ekki síður athygli að ráðherra hefur gefið út fimm leyfi til veiða á 400 tonnum af rækju í innanverðum Arnarfirði. Samtök dragnótamanna amast ekki á nokkurn hátt við þessum rækjuveiðum en benda hins vegar á þversögn í vinnubrögðum ráðherra. Þvert á yfirlýsingar um nauðsyn á verndun botndýralífs og uppeldisstöðva smáfisks – og síendurtekna tilvísun í skýra stefnu stjórnvalda þar að lútandi – gefur ráðherra heimild til veiða með rækjutrolli með bobbingum og hlerum inni á firði. Möskvastærð er 45 mm.

Þessi mótsagnakennda afstaða til veiðarfæra rennir stoðum undir þær kenningar að með takmörkunum á dragnótaveiðum séu almannahagsmunir ekki látnir ráða, heldur sé ráðherra að þóknast frístundasjómönnum,   jafnvel þótt það leiði til þess að gamla vertíðarflotanum fyrir norðanverðu landinu verði útrýmt. Það er skoðun okkar dragnótamanna að þessar mótsagnir kalli á að vinnubrögð í ráðuneytinu verði rannsökuð og að Alþingi endurskoði vald ráðherra.

Ráðherra til fróðleiks sendi ég hér myndir af fiskum, sem sýna glöggt hvað gerist ef kyrrstætt veiðarfæri er dregið of hratt.

Við, sem stundum vistvænar strandveiðar með dragnót, flokkum hann frá sem krókaskemmdan fisk. Þessir fiskar veiddust í dragnót í tveimur köstum sama daginn á grunnslóð fyrir norðanverðu landinu.

raekja-frettatilk